Urdhri i nazistëve në ’43: Për çdo gjerman të vrarë, të varen 10 shqiptarë

Nga Marenglen Kasmi

Sipas këtij urdhri të divizionit I alpin, për çdo ushtar gjerman të vrarë apo plagosur duhej të pushkatoheshin ose vareshin 10 shqiptare.

Një urdhër i komandës gjermane që tregon qartë natyrën e pushtimit si edhe masat që duheshin marrë kundër popullsisë shqiptare, nëse partizanët sulmonin ushtrinë gjermane. Urdhri daton 17 shtator 1943.

Po ashtu, në çdo kamion ushtarak, me të cilin transportoheshin furnizimet e ushtrisë, duhej të merreshin edhe 3-4 shqiptarë, të cilët duhet të ekzekutoheshin menjëherë në vendin e pritës ndaj kamionit.

Duhet të nënvizohet fakti që, ky urdhër është lëshuar vetëm 8 ditë pas pushtimit.

Më poshtë përkthimi i plotë i dokumentit, që është nxjerrë nga arkivi ushtarak gjerman në Freiburg:

“Divizioni I alpin

Ic (oficeri i shtabit për zbulimin – shën. im)

Vendkomanda e divizionit, me 17.9.1943

Drejtuar: kapitenit von Eyb, Korçe

Gjenerali Stettner ka urdhëruar:

për çdo ushtar gjerman të vrarë ose plagosur në ndonjë pritë të organizuar nga banditet; të pushkatohen ose varen në vendin e pritës 10 civilë.
Në çdo kamion me furnizime duhet të transportohen edhe 3-4 civile, të cilët duhet të pushkatohen menjëherë nëse kamioni sulmohet.
Përvoja të kësaj natyre duhet të raportohen në vazhdimësi të Ic i divizionit.

Për komandantin e divizionit

Oficeri i parë i shtabit

Me porosi

(Nënshkrimi)

Toger dhe Ic”