Lindjet jashtë martese janë shtuar ndjeshëm në të gjithë vendet anëtare të Bashkimit Europian, me Francën që mban vendin e parë e ndjekur ngushtësisht nga Bullgaria e Sllovenia.
Më i ulëti nga ana tjetër është regjistruar në Greqi, sipas të dhënave të Eurostatit që nënvizon se gjatë 2016-ten, në bllokun europian erdhën në jetë më shumë se 5.1 milionë bebe. Rreth 40% e tyre, lindën nga prindër të pamartuar. Më i ulët është ky numër në vende si Kroacia, Qipro e Polonia, ku ideja e familjes duket se mbetet në vazhdimësi më e fortë.
Franca që kryeson listën, ka 6 në 10 foshnje të lindura jashtë martese. Vendet e tjera të këtij spektri përfshijnë Estoninë, Suedinë, Danimarkën, Portugalinë e Holandën. Por ndonëse në thelb, fenomeni tek ta është më i rrudhur, shtetet anëtare të BE-së nga zona e Mesdheut kanë parë sipas Eurostatit rritjen më të shpejtë të përqindjes së lindjeve jashtëmartesore që nga viti 2000. Në atë periudhë, përqindja e lindjeve të tilla është dyfishuar në Greqi, Portugali (aktualisht 52.8%) dhe Spanjë (45.9%), e është trefishuar në Maltë dhe Itali për të arritur respektivisht në 31.8 dhe 28 përqind.
Megjithëse vazhdon të renditet në treshen e fundit, Qipro përbën aktualisht kërcimin më të madh, duke u rritur tetëfish që nga viti 2000, kur ajo regjistroi vetëm 2.3% të lindjeve nga prindërit e pamartuar.
Diskutime rreth kësaj post