Pas arrestimit, gjykata ka vleresuar te ligjshem veprimin e policise dhe ka lene ne burg autorët e dyshuar te vrasjes se biznesmenit Memli Begalla mbremjen e 14 shkurtit ne Tirane.
Sipas hetimit te deritanishem te prokurorisë, rezulton se Ardjan Serezi, njeri nga te arrestuarit, kishte njohje me biznesmenin Memli Begalla.
memli-begalla-1
Kur ne vitin 2014 Serezi, ish polic, ishte kapur me drogë ne Gjirokaster, qe dyshohet se ishte per llogari te biznesmenit, Begalla i premtoi lirimin, por nuk e mbajti fjalën dhe nuk pagoi qe ta lironte.
Sakaq, sipas organit te akuzes, mesohet se i arrestuari tjeter, Denis Demiri, i cili eshte ekzekutori i Begalles, pas krimit hoqi maskën, u filmua nga kamerat dhe u identifikua menjëherë nga hetuesit.
NJOFTIMI I POLICISE PER ARRESTIMIN
Si rezultat i hetimeve të deritanishme, rezulton se autorë të dyshuar të ngjarjes së ndodhur, ku u vra me armë zjarri shtetasi Memli Begalla, janë shtetasit:
– Denis (Alban) Demiri, 43 vjeç, banues në Tiranë.
– Ardian Serezi, 49 vjeç, banues në Tiranë.
Për të dy këta persona janë ekzekutuar urdhërat e ndalimit.
Nga veprimet e dokumentuara, rezulton se shtetasi Denis Demiri ka kryer ekzekutimin e shtetasit Memli Begalla. Dyshohet se pista kryesore ku janë fokusuar hetimet është ajo e borxheve që nuk kishte shlyer viktima.
Për arsye hetimore, nuk mund të bëjmë me dije të dhëna të tjera në lidhje me mekanizmin apo rolet si dhe përfshirjen e personave të tjerë në këtë ngjarje.
Në cilësinë e provës materiale është sekuestruar një automjet me targa të huaja, me të cilin autorët janë larguar nga vendi i ngjarjes. Gjithashtu është sekuestruar një automjet në pronësi të shtetasit Denis Demiri, si dhe 9 telefona celularë.
Diskutime rreth kësaj post