Neglizhuan sëmundjen e vajzës së vogël, pasi kishin një fatkeqësi familjare, 7 vjeçarja ndërron jetë në spitalin e Durrësit, pesë orë pasi mbërriti në gjendje të rëndë shëndetësore.
Amelia Sheqi, nxënëse e klasës së dytë, është dërguar në gjendje të rëndë në repartin e Pediatrisë dhe pak pas mbërritjes ka rënë në gjendje kome për të mos u zgjuar më Me gjithë përpjekjet e mjekëve të Pediatrisë, vajza është ndarë nga jeta rreth orës 23:00 të së dielës, pesë orë pasi kishte shkuar në gjendje të fikëti.
Sipas deklarimeve që prindërit e vajzës kanë bërë në spital, prej dy ditësh e mitura nuk kishte ngrënë asgjë, ndërsa temperatura kishte filluar t’i binte pak nga pak. “Kishim një fatkeqësi në familje, pasi kemi humbur babain. Gjatë këtyre ditëve ishim të angazhuar me varrimin dhe pritjen e vizitave që vinin për ngushëllim. Ndërkohë vajza ishte pa qejf. Prej dy ditësh, vajza ishte sëmurë, as hante dhe as pinte. Menduam se e kishte nga gripi, po ajo po rëndohej edhe më shumë. Dje (të dielën) asaj i ra imuniteti dhe njëkohësisht edhe temperatura. I ra të fikët. E çuam me urgjencë në spital, por me gjithë ndërhyrjen e stafit mjekësor, ajo ndërroi jetë pak orë pasi mbërriti në urgjencën e Pediatrisë. Jemi shumë të hidhëruar, nuk dimë çfarë të themi”, deklaruan prindërit e vajzës 7vjeçare, e cila ndërroi jetë në duart e bluzave të bardha.
Në spitalin e Durrësit ka mbërritur një grup ekspertësh nga Ministria e Shëndetësisë për të verifikuar rastin në fjalë. Ndërkohë, edhe Prokuroria ka nisur hetimet për të verifikuar praktikën e ndjekur nga bluzat e bardha për të përcaktuar nëse ka apo jo neglizhencë nga stafi mjekësor. Oficeri i Policisë Gjyqësore mori në shqyrtim kartelën mjekësore të 7 vjeçares.
Familja ka tërhequr menjëherë trupin e pajetë të vogëlushes dhe nuk kanë shfaqur asnjë ankesë kundrejt stafit mjekësor që asistoi në rastin e saj. Madje, prindërit e vajzës kanë refuzuar t’i bëhet ekspertiza mjekoligjore, duke lënë të kuptohet se nuk kanë asnjë dyshim për neglizhencë të mjekëve, ndërkohë që pranuan fatin e hidhur të humbjes së vajzës së tyre të vogël.
Familja Sheqi, sipas Panorama, banon me qira në lagjen 16, të Durrësit, në të cilën ishte zhvendosur prej pak kohësh. Simptomat e “shokut toksik” Shoku toksik, i cili dyshohet se kishte prekur vajzën 7vjeçare është kërcënues për jetën njerëzore. Sindromi i shokut toksik është një ndërlikim i rrallë, kërcënues për jetën e njerëzve, që preken prej tij. Ai është një lloj infeksioni bakterial dhe shpesh mund të shkaktohet nga toksinat e prodhuara nga bakteret stafilokok ose nga toksinat e prodhuara nga bakteret e streptokokut të grupit A. Simptomat e shokuttoksik përfshijnë: Temperaturë e lartë e papritur (4041 gradë), presioni i ulët i gjakut, vjellje ose diarre, një skuqje që i ngjan një djegieje nga dielli, veçanërisht në pëllëmbët dhe shputat, konfuzion, dhimbje muskujsh, skuqje e syve, e gojës dhe e fytit, gjendje të fikti dhe dhimbje koke. Sindroma e shokuttoksik mund të rezultojë fatale për jetën e personit që preket prej tij, sikurse ishte dhe rasti i vogëlushes 7vjeçare.
Diskutime rreth kësaj post