I fiksuar pas të resë, 46-vjeçari e përndjek dhe e…, policia vë duart në kokë nga ajo që i gjen në shtëpi

Një 46-vjeçar nga Elbasani e ka pësuar keq nga fiksimi dhe përndjekja që i ka bërë një 27-vjeçareje me iniciale Z.K me banim në këtë qytet.

Personi i arrestuar është identifikuar si shtetasi Arian Stafa.

Mësohet se Stafa, pasi e ka ndjekur vajzën, i ka dëmtuar edhe makinën në lagjen Dyli Haxhiere”. Të dy këto akte të tij mjaftonin për ta dënuar, por duket se Stafa e ka pësuar më keq pasi Policia i ka kontrolluar banesën.

Policia e Elbasanit njoftoi se arrestoi menjëherë pasi grupi hetimor, gjatë kontrollit të banesës i ka gjetur një armë zjarri, automatik dhe 126 fishekë model 56 kalibër 7.62 mm.

Gjithashtu, sekuestroi dhe dy automjetet e përfshira në ngjarje.

Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Përndjekja”, “Shkatërrimi i pronës” dhe “Prodhimi dhe mbajtja pa leje e armëve luftarake dhe e municionit” parashikuar nga nenet 121/a/2, 150 dhe 278/2/3 të Kodit Penal.