Kishin prenotuar në një restorant bashkë me fëmijët, të cilët po u sillnin shqetësim klientëve të tjerë me sjelljen e tyre, por e gjitha përfundoi në një sherr masiv me të lënduar mbi të gjitha.
Një grup prej 9 vetash, ku mes tyre shqiptarë, italianë e rumunë, e kanë kthyer në skandal darkën në restorant, pasi nuk e duruan dot se pronari u kërkonte të mbanin nën kontroll fëmijët e tyre.
Ngjarja e pazakontë ka ndodhur në Treviso të Italisë.
Mediat italiane shkruajnë se edhe pse në shumicën e restoranteve italiane nuk pranohen fëmijët, pronari ka lejuar grupin që kishte prenotuar një tavolinë në këtë restorant, t’i lejojë ata. Por, fëmijët duket se kanë qenë të lëvizshëm aq sa kanë shkaktuar zhurma dhe probleme në restorant duke irrituar kështu edhe klientët e tjerë.
Kamerieri prej disa herësh i ka tërhequr vëmendje prindërve për të mbajtur qetësi fëmijët, por kjo gjë nuk ka ndodhur, për të mos thënë se ka ndodhur më e keqja. Njëra nga nënat është irrituar kaq shumë nga thirrja e kamarierit, sa ka shkuar në banak dhe ka kërkuar një gotë verë të cilën ia ka hedhur në fytyrë pronarit të restorantit.
Aty situata ka marrë përmasa të tjera, ku në sherr u përfshinë rumunë, shqiptarë e italianë të cilët kanë kërcënuar se do t’ia djegin lokalin. U desh ndërhyrja e karabinierëve për të qetësuar situatën, shkruajnë mediat.
Megjithatë, në një pikë të caktuar familja nuk pranoi të paguante faturën. Tani avokati i pronarit italian është gati të paraqesë një padi për lëndime, kërcënime dhe shpifje.
Diskutime rreth kësaj post