Teknologjia është gjithandej, smartphone-i, laptopi apo desktopi janë të pashmangshëm në ditët e sotme, duke na lehtësuar punë, por edhe duke na kërcënuar seriozisht shëndetin.
Përdorimi i këtyre paisjeve teknologjike shkakton dhimbje qafe, dhimbje koke, skuqje të syve si dhe nxit jetën sedentare. Por, përveç këtyre ekspertët pretendojnë se celularët, tabletët apo edhe paisje të tjera teknologjike mund të emetojnë tym toksik.
Kjo do të thotë se celulari juaj të cilin e mbani gjatë gjithë ditës me vete, mund t’ju helmojë ngadalë. Por nga vjen ky helm toksik? Nga bateria. Celularët dhe paisjet e tjera teknologjike përdorin bateri me jone Litiumi. Sipas të dhënave këto bateri përdoren nga 2 billion konsumatorë çdo vit. Studiues të Universitetit lidhur me cështjet e mbrojtjes në Kinë kryen një eksperiment, ku nxehën 20.000 bateri me jone Litiumi në një qëndër shpërthimi. Ndërkohë që kryenin këtë eksperiment, ata vunë re se këto paisje të nxehura lëshonin gaze si butan, cianid etilik, dioksid sulfuri dhe monoksid karboni.
“Këto gazra shkaktojnë irritim të syve, lëkurës dhe hundëve. Dhe më e keqja, këto gaze mund t’ju vrasin”- ka thën Dr. Jie Sun, udhëheqësi i këtij studimi dhe profesor i Institutit të NBC.
Pra,nxehja e baterisë së celularit tuaj është një nga rastet kur ajo lëshon jone Litiumi.
Sipas studiuesve kjo ndodh edhe kur bateria është dëmtuar ose kur ju përdorni një karikues të konsumuar. Nga ana tjetër ekspertët këshillojnë të ruheni edhe nga shpërthimi i baterisë në rastet kur ajo nxehet shumë, si në rastin e Samsung Galaxy Note 7, në fillim të këtij viti. Edhe në qoftë se bateria e celularit tuaj funksionon shumë mirë, ajo mund të nxehet edhe në rrethana të tjera, në qoftë se e lini në diell me një kasë, e cila nuk lejon ajrosjen, në makinë kur temperatura është e lartë apo edhe nga përdorimi për një kohë të gjatë.
Diskutime rreth kësaj post