Një aksident i rëndë rrugor ka ndodhur pasditen e sotme në Rrugën e Kombit. Dy automjete janë përplasur në aksin Milot-Rrëshen, dhe për pasojë kanë mbetur të plagosur 5 persona.
Për shkak të përplasjes së fortë, të aksidentuarit kanë mbetur të bllokuar brenda automjeteve për disa minuta.
Menjëherë në vendngjarje kanë mbërritur forcat e policisë dhe ambulanca, dhe kanë bërë të mundur nxjerrjen e të plagosurve nga makinat. Ata janë dërguar në spital, dhe mësohet se ndodhen jashtë rrezikut për jetën.
Sakaq po punohet për zbardhjen e plotë të rrethanave dhe shkaqeve të aksidentit.
Informacion paraprak
Më datë 25.12.2017, rreth orës 18:10, është marrë njoftim se në aksin rrugor Milot-Rrëshen, në afërsi të Urës me Harqe ka ndodhur një aksident.
Menjëherë në vendngjarje kanë mbërritur shërbimet e policisë ku kanë konstatuar se janë përfshirë në aksident 2 automjete dhe konkretisht:
Automjeti tip “Benz” me targa AA 220CV me drejtues shtetasin M.K, dhe mjeti tip Audi AA963FI me drejtues shtetasin D.D.
Si pasojë është lënduar pasagjerja e automjetit tip “Benz” shtetasja E.K, e cili është dërguar në Q.S.U. Tiranë.
Si dhe nga mjeti “Audi” kanë mbetur të lenduar, drejtuesi i mjetit shtetasi D.D, si dhe pasagjerët shtetasit B.R, shtetasja L.R, si dhe R.H, edhe këta janë transportuar për në Q.S.U.Tiranë.
Shkaku paraprak dyshohet parakalim i gabuar i mjetit “Audi”, por ende po punohet per zbardhjen e sakte te shkakut te aksidentit.
Lëvizja në këtë aks rrugor është e lirë dhe po menaxhohet nga shërbimet e policisë rrugore.
Grupi hetimor në bashkëpunim me Prokurorinë e Rrethit Gjyqesor Lezhë ndodhen në vendgjarje dhe po punojne për zbardhjen e plotë të shkaqeve te aksidentit.
Diskutime rreth kësaj post