I përzënë nga Gjermania në 3 të mëngjesit, shqiptari në faqen e parë të “Bild” /Foto

Edhe pse shqiptari Xhezo Ajazaj (31) dhe familja e tij jetonin të integruar mirë në Berlin, ata u dëbuan nga Gjermania pak përpara Krishtlindjeve.

Të hënën, familja kishte një takim me zyrën e imigracionit. Por senatori i brendshëm  nuk donte të priste më gjatë dhe natën e së premtes, familja shqiptare Ajazaj u kap nga policia për dëbim.

Në orën 3 të mëngjesit, zyrtarët ndërhynë në banesën në Berlin, duke zgjuar nga gjumi dhe më pas larguar Xhezo Ajazaj (31), gruan e tij Artjola (29) dhe fëmijët Klara (8), Lejman (4) dhe Karolina (6 muajshe). Ata duhej të mblidhnin me ngut  të gjitha gjërat e domosdoshme, pastaj u dërguan në aeroportin Schönefeld.

Komisioni i Vështirësisë rekomandoi që familja që jetonte në Gjermani për pothuajse tre vjet t’u jepej një e drejtë banimi. Babai është një punëtor i përhershëm, gruaja e tij kishte një pozicion trajnimi si një infermier, pra e gjithë familja është e integruar mirë.

Pastor Reinhart Kraft, i cili kishte diskutuar largimin me familjen të enjten, është indinjuar: “Familja ishte e gatshme të largohej. T’i  trajtojmë tani si keqbërës është e pakuptueshme. Unë jam i tronditur. ”

Pavarësisht  këtyre familja Shqipëtare është përzënë dhe sipas legjislacionit ata nuk mund të shkojnë më në Gjermani për 2 vite pasi ata janë përzënë forcërisht nga Gjermania.