Foto-reporterja e njohur e “Der Spiegel” Nele Gülck, i ka kushtuar një artikull të këndshëm vizitës së saj në disa prej fshatrave të Devollit.
Gülck ka ndarë me lexuesit edhe disa kujtime të veçanta se si i ka njohur shqiptarët gjatë qëndrimit disa ditor për të ndjekur nga afër jetën në zona të ndryshme, -përcjell “TemA”.
Një nga veçoritë e përshkruara me kujdes në shkrimin e saj, është edhe prodhimi i rakisë së manaferës, nga vjelja deri në zjerje ku ajo thotë se ky proces e ndihmon për të kuptuar kulturën e vendit.
Gazetarja gjermane ka zgjedhur të shoqërojë artikullin edhe me një sërë fotografish të shkrepura në fshatrat Menkulas (vendlindja e Dritëroit), Arrëzë, Sinicë dhe fshatra të tjerë të Devollit,-shkruan “TemA”.
“Frutat më të ëmbla kanë farat më të hidhura!
Rakia është rrënjosur thellë në jetën e përditshme të shqiptarëve. Kjo pije shërbehet me bollëk, kudo dhe në çdo moment të ditës. Ashtu si edhe pija, zierja e rakisë këtu ka një traditë të madhe dhe të veçantë.
Çdo vjeshtë, tymi ngrihet nga “rakickat”, ndonjëherë ndërtuar në mënyrë aventureske në oborrin e shtëpisë, plevica apo kasolle.
Zierja e rakisë kërkon kohë dhe ndjek ritmin e saj: Një miks frutash mes nxitimit kur kazani i bakrit mbushet me bërsi dhe tubat vulosen me brumë dhe lecka të lagura.
Pastaj përsëri: qetësi. Një proces që ju lejon të njihni kulturën e një vendi të tërë…” shkruan Nele Gülck në reportazhin e saj.
r
Diskutime rreth kësaj post