Kthimi pa histori i bavarezëve në Stamboll. E njëjta gjë si në ndeshjet Liverpool-Porto dhe Manchester City-Basel. Besiktasi e humbi betejën brenda një çerek ore dhe mbaroi në “Allianz Arena”. Duke luajtur me dhjetë lojtarë në Mynih, ishte si një “dënim me vdekje”, me vuajtje, për kampionët turq. Bayerni nuk kishte mëshirë dhe kujtohej për gol kur donte. Me Heynckes në stol, me Robben, me Lewandowski dhe me golat e Müller, sfida e së martës bëri që tashmë të donin të shënonin edhe të tjerët. E pra, kjo tregon një Champions, që ka nevojë për “rinovim”, që edhe sfidat e kthimit të ruajnë interesin.
Sa të shëmtuar janë golat e tij… Por, ai i shënon ato. Topi futet në rrjetën e portës së kundërshtarit dhe kjo ka rëndësi. Ishte një ditë tjetër në karrierën e Thomas Müller. Shumë do të donin t’i realizonin golat e tij. Heynckes ka gjetur një sulmues unik të llojit të tij, i cili nuk ka shpjegim.
James Rodríguez është cilësia specifike, për të cilën ka nevojë skuadra bavareze, që të kthehet plotësisht në punë. Kolumbiani u largua në fund të pjesës së parë i lënduar dhe, siç njoftoi Heynckes, duhet t’i nënshtrohet ekzaminimeve mjekësore.
Nëse ka një ekip të ekstremeve, ky është Bayern Munich. Pas Robben (i futur në vend të James), shijen e të luajturit në fitoren 5-0 ndaj Besiktas e provoi edhe Ribéry (edhe pse kur hyri ai, gjithçka ishte vulosur). Nëse të dy po luajnë më pak, kjo është për shkak të Coman, një vullkan që shpërthen, një fëmijë që lëshon “llavë” kudo kalon.
Coman kishte si kundërshtar direkt Adriano, i cili dëshironte të mos ishte aty. Pepe, Medel apo Quaresma nuk kishin një natë më të mirë. Kështu që ata mund të thonë se Champions-i i këtij edicioni mbetet për t’u gëzuar edhe 90 minutat e kthimit, në Stamboll.
Domagoj Vida luajti në qendër në Mynih…, por kjo zgjati çerek ore. Ai mori karton të kuq për ndalimin e gabuar që i bëri Lewandowskit. Një “mirupafshim” për Besiktasin, i cili zbuloi shumë herët se “ferri” ishte në Gjermani dhe jo në Turqi.
Don Jupp Heynckes. Ai duhej të kthehej në shtëpi për ta rregulluar Bayernin, i cili tashmë ka 14 fitore të njëpasnjëshme. Një moment respekti për të moshuarit dhe legjendat. Në këtë pikë, natyrshëm lind pyetja: Pse nuk mund ta fitojë Champions-in e tij të tretë?
Diskutime rreth kësaj post