Diljan Shehaj është një djalë nga Fieri me një histori familjare shumë të dhimbshme. Babai i tij është i gjymtuar prej 30 vitesh, pasi ka humbur të dyja këmbët nga një sëmundje e rëndë. Kjo ka sjellë vuatje të shumta për të gjithë familjen.
Në një lidhje me Skype për “ABC e Mëngjesit”, Diljani i ka prekur të gjithë me rrëfimin e tij, duke thënë se do të jepte edhe këmbët e tija, në mënyrë që të ecte qoftë edhe një herë me babain e tij.
Ndonëse është larg në Greqi dhe punon bojaxhi, ai mundohet që gjithmonë t’i kënaq prindërit dhe veçanërisht babain.
“Kanë qenë disa vite kur unë kam qënë në moshë të vogël. Nuk e kam përjetuar 100% atë dhimbje, e kam si imagjinatë. Se mesa më kanë thënë prindërit e ka përjetuar më shumë vëllai i madh.
Kam dashur që të bëhej ëndrra ime realitet, të ecja sikur edhe një metër dorë për dorë me babin, edhe këmbët e mia do t’i dhuroja. Por është një ëndërr që nuk do të më realizohet kurrë. Por edhe falenderimet e Zotit që më ka dhënë jetën.
Vitet e dhimbjes dhe të sëmundjes së plakut tim kanë filluar në vitet ’90. Viti i parë që ka prerë thembrën e këmbës ka qenë viti ’94, unë 36 vjeç tani. Kam qenë moshë e vogël atëherë.
Viti ’94 ka prerë majën e këmbës dhe mbas një viti ju bllokua komplet qarkullimi i gjakut dhe ia prenë këmbën lart. Në vitin ‘97 ka qenë edhe viti i fundit që ia prenë këmbën tjetër.
Ai është pranë nesh në çdo vend pavarësisht këmbëve. Nuk do të ndalesha kurrë ta kisha pjesë të jetës sime kudo që të shkoj.
Unë jam bojaxhi me patinim, me lyerje, me veshje shtëpish këtu në Greqi. Prindërit jetojnë në Fier për momentin, ne jemi këtu 4 vëllezër dhe mund të vijnë kur të duan. Pranë tyre që kujdeset për gjatë gjithë këtyre viteve është vëllai i madh”, u shpreh Diljani.
Diskutime rreth kësaj post