Nga Mero Baze
Kryeministri Edi Rama, duket i vendosur të mbroj 18 Qershorin si datë të zgjedhjeve dhe po fut kundërshtarët e tij politik, përfshi dhe aleatin kryesor në qeversjen katërvjeçare, drejt skemave të reja për t’iu përgjigjur mos ndryshimit të datës.
Kjo vendsomëri dket se po djeg skenarin e krizës afatgjatë, që synon shtyrjen e zgjedhjeve parlamentare, shtyrjen e zgjedhjes së presidentit dhe krijimin e një qeverie të re, e cila do ta degradonte situatën.
Duke mbrojtur 18 Qershorin, Edi Rama po ashtu është duke i dhënë mundësi opozitës të ndryshoj qëndrimin ndaj bllokimit të Komisioneve të Veting-ut. Ai është duke i dhënë shans Lulzim Bashës të tentoj të ndaj problemin e tij nga problemi i Berishës në këtë krizë, dhe të fitoj mbështetje ndërkombëtare për kërkesat e tij.
E izoluar ndërkombtarisht dhe nën breshërinë e sulmeve të përditëshme nga Brukseli dhe SHBA, opozita ka shans të zbus raportet me ndërkombëtarët, vetëm nëse të martën shkon në Kuvend, voton për ngritjen e komisoneve të Vetingut dhe përqëndrohet tek beteja politike për zgjedhjet.
Vendosmëria e Edi Ramës për 18 Qershorin, ja jep këtë mundësi . Pas kësaj Bashës i mbetet të vras dhe frikën nga Berisha dhe të votoj Veting-un për tu përqëndruar tek beteja e tij. Por frika e tij reale, është, se nëse Basha e çon situatën të votoj Veting-un, për të fituar mbështetje perndimore, dhe të luftoj për shtyrje të zgjedhjeve, Berisha do të këmbngul pas kësaj, për futje në zgjedhje, pasi beteja e tij nuk është bojkoti i zgjedhjeve, por shtyrja e Veting-ut.
I futur në këtë çark, Basha e ka të vështirë të luftoj për kauzën e tij, duke fituar mbështetjen e perëndimti, pasi duhet më parë të shes kauzën e Berishës.
Duke mbrojtur 18 Qershorin, Edi Rama po ashtu po e detyron LSI, të mbaj një nga dy premtimet, ose koaliconin me Edi Ramën, ose skenarin e bashkpunimit me PD, që e ka kordinuar, duke u solidarizuar me bojkotin ndaj zgjedhjeve. Dhe tani që nuk ka shumë kohë në dispozicion, duket se LSI po shkon drejt opozitës.
Ky është një zhvillim pozitiv, pasi i qartëson palët në këtë krizë dhe nuk vazhdon më dilema, që një parti të jetë dhe pjesë e qeverisë dhe pjesë e opozitës.
Nga kjo mund të ketë një zhvillim edhe më pozitiv, që mund të trimëroj opozitën të hyj në zgjedhje. Ajo ka të bëj me koalicionin e mundshëm PD/ LSI –PBDNJ dhe ndoshta PDIU, pasi në këtë rast as Dulja nuk ka gjë me çamët. Kokdhima është ofruar për ndërmjetës, duke dhënë zgjidhjen e tij dhe kjo mund të funksionoj.
Kjo do të ishet ngjarja më pozitive që mund të prodhonte vendosmëria e Edi Ramës, për të mbrojtur 18 Qershorin. Kështu palët do të ishin në shanse të barabarta për fitore në zgjedhje, zgjedhjet do të ishin të shëndetëshme dhe fituesi së paku do ishte i lirë të qeveriste. Në një periudhë afatgjatë, këto janë dhe palët e vërteta në garën politike në Shqipëri. Mbi të gjitha do të ishte fundi i një krize artificiale, dhe fillimi i një beteje reale politike në Shqipëri. Fitues do të ishte 18 Qershori. TemA
Diskutime rreth kësaj post