Kreu i grupit parlamentar socialist Taulant Balla ka njoftuar se shqiptarët e bllokuar prej 24 orësh në kufirin Bosnje- Mal i Zi do të rikthehen në Shqipëri.
Balla shprehet se falë koordinimit të autoriteteve shqiptare me ato malazeze, Policia fqinje do i sjellë katër automjetet deri në Han të Hotit duke mundësuar rikthimin e tyre në atdhe.
Reagimi i Ballës në rrjetet sociale:
“Lidhur me shqetësimin e drejtë të 11 shtetasve shqiptarë të bllokuar në pikën e kalimit kufitar mes Bosnje Herzegovinës dhe Malit të Zi (Trebinje), pas kontakteve me qeverinë e Malit të Zi dhe koordinimit mes policive të shteteve tona, është mundësuar eskortimi i katër automjeteve përmes territorit malazez.
Policia e Malit të Zi do t’i shoqërojë deri në pikën e kalimit kufitar të Hanit të Hotit.
Është e domosdoshme që në kushtet e mbylljes së kufinjve tokësorë në shumë vende duhet që të gjithë të mbahen të informuar” – ka mbaruar Balla.
Diskutime rreth kësaj post