Kreu / Kulturë / Vargjet nga Arben Duka: Krimi më i madh, që solle Saliun…

Vargjet nga Arben Duka: Krimi më i madh, që solle Saliun…

Nga Arben Duka

Tani me akuza,
po të grijnë të tërë,
po për Arben Dukën,
veç një krim ke bërë!

Veç një krim ke bërë,
që kurrë s’do të falet,
kur Sali Berishën,
e shkule nga malet!

E shkule nga malet,
si babai birin,
dhe me shkollë të lartë,
e bëre qafirin!

Po ti këtë punë,
nuk e bëre mirë,
se Sala për Vendin,
do bëhej mynxyrë!

Tek Sala shkëlqeu,
besa e shqiptarit,
sepse për mirënjohje,
të nxori prej varrit!

Qe në kohën tënde,
servil i servilëve,
u bë në të tijën,
katil i katilëve!

Që në kohën tënde,
kulm’ i ekstremizmës,
skllavi yt i bindur,
dhe idealizmës!

Ndaj në komunizëm,
pati goxha ngjitje,
ca me bythëlëpirje,
dhe ca me zvarritje!

Por ja, sapo ra,
i yti sistem,
shpellari kaloi,
në tjetrin ekstrem!

Dhe ish komunisti,
i stër-stërbetuar,
ju sul komunizmit,
si ujk i tërbuar!

Në krye të vendit,
doli papandehur,
gjithë atë urrejtje,
ku e kishte fshehur!

Ti vërtetë nga shpella,
në Tiranë e more,
po shpellën nga koka,
kurrë dot nuk ia nxore!

Qindra herë kam shkruar,
për Salën ç’ka bërë,
saqë do ta vuajmë,
një shekull të tërë!

Ai do të mbetet,
një njeri i zi,
se ka bërë krime,
në demokraci!

Ka qenë për Atdheun,
mallkim Perëndie,
thënë saktësisht,
simbol ligësie!

Nëse në Tiranë,
s’do ta kishe marrë,
nuk do ishin vrarë,
me mijëra shqiptarë!

Tani e shikon,
ç’na ke bërë-mor burrë,
kjo është hataja,
që s’të falet kurrë!

E lije në male,
një çoban në fshat,
dhe gjithë Shqipëria,
do kish tjetër fat!

Mos humbisni

“Furtunë” në Top Channel, shkarkohet Sokol Balla, ja kush e zëvendëson

“Furtunë” në gjigantin mediatik Top Channel. Newsbomb.al, mëson se Top Channel ka shkarkuar nga detyra …

Një koment

  1. Ju uroj një shërim të shpejtë gjigandit të skenës Ndriçim Xhepa

Lini një Përgjigje

Adresa juaj email s’do të bëhet publike.