Kreu / Politikë / Shëndetësia falas, Rama prezanton rezultatet e reformës

Shëndetësia falas, Rama prezanton rezultatet e reformës

Kryeministri Edi Rama paraqiti të hënën disa nga rezultatet e reformës në rrugën për shëndetësinë falas.

Përmes rrjetit social ‘facebook’, Rama informoi se duke filluar nga data 1 shkurt, janë miratuar edhe tarifat e reja të vizitave te mjeku specialist dhe të ekzaminimeve të ndryshme shëndetësore për personat që nuk janë të siguruar, por që bëhen pjesë e sistemit të referimit, duke e filluar kontrollin nga mjeku i familjes.

“Ka një ulje shumë të konsiderueshme të tarifave krahasuar me ato të deritanishme. Ndërkohë, është e qartë se tarifat për personat që nuk pranojnë të ndjekin sistemin e referimit, pra përmes mjekut të familjes, do të mbeten të pandryshuara”, shkruan Kryeministri Rama.
Refromat sipas kreut të qeverisë, duan vizion, punë, kohë dhe durim, por rezultatet padiskutim që vijnë has pas hapi.

Ai bën edhe një përshkrim të procedurës që duhet të ndjekë një pacient. “Pacienti fillimisht duhet të shkojë tek mjeku i familjes. Ky stacion tanimë është falas. Në rastet kur mjeku i familjes gjykon se pacienti ka nevojë për një ndihmë më të specializuar, me anë të një rekomandimi e dërgon pacientin tek mjeku specialist. Kur pacienti paraqitet tek mjeku specialist duhet të jetë i pajisur me kartë idenditeti dhe rekomandim nga mjeku i familjes. Kështu ai do të përfitojë nga çmimet e reja, shumë më të ulëta, të përcaktuara nga Ministria e Shëndetësisë prej 1 shkurtit. Pas ofrimit të vizitës falas te mjeku i familjes (nga 1000 lekë që ishte), vendim i cili hyri në fuqi më 27 janar 2016, në rastin e vizitave ambulatore, kryerja e injeksioneve dhe ndërhyrjeve mikrokirurgjikale ofrohet tashmë falas”, shkruan kreu i qeverisë.
Më poshtë, Kryeministri Rama rendit edhe tarifat për disa ekzaminime.
Tarifat për disa ekzaminime, si Mamografia dhe Anti-HIV 1+2, bëhet zero për herë të parë. Vizita tek mjeku specialist në poliklinikë, nga 1500 lekë ulet në 100 lekë. Vizita tek mjeku specialist në spitalet universitare, nga 3000 lekë ulet në 500 lekë. Vizita tek mjeku specialist në spitalet rajonale, nga 2000 lekë ulet në 100 lekë. Vizita tek mjeku specialist në spitalet e rretheve, nga 1500 lekë ulet në 100 lekë. Po ashtu, nëse një person i pasiguruar ka të nevojshme kryerjen e një ekografie, ajo kushton 1000 lekë në rastet kur pacienti nuk ndjek sistemin e referimit – pra kur nuk kalon nga mjeku i familjes.

Në rast se pacienti kalon fillimisht tek mjeku i familjes dhe më pas tek specialisti në poliklinikë për kryerjen e kësaj ekografie do të paguajë vetëm 200 lekë. Ndërkohë, pacientët të cilët janë të siguruar mjafton të paraqesin kartën e shëndetit dhe atë të identifikimit dhe i përfitojnë të gjitha këto ekzaminime falas. Edhe çmimet për kryerjen e biopsive të të gjitha llojeve janë ulur nga 3000 lekë në 500 lekë, ose gjashtëfish. Ndërsa, pjesa më e madhe tarifave të ekzaminimeve radiologjike dhe ato imunologjike janë ulur më shumë se pesëfish. Tarifat për ekzaminimet endoskopike ulen më shumë se dyfish.

Tarifat për analizat laboratorike kliniko-biokimike ulen nga dy deri në shtatëfish. Tarifat për analizat laboratorike mikrobiologjike ulen nga tre deri në tetëfish. Tarifat për shërbimin e allergologji-pneumologjisë ulen nga pesë deri në tetëfish. Tarifat për shërbimin e kardiologjisë ulen nga pesë deri në dhjetëfish, ndërsa ato të shërbimit ORL, ulen nga katër deri në pesëfish.

Mos humbisni

Testi i pasurisë “ngel në klasë” 57 % të gjyqtarëve të shkallës së parë në Shqipëri

Të dhënat e siguruara nga një studim i BIRN tregojnë se 154 gjyqtarë nga 268 …

Lini një Përgjigje

Adresa juaj email s’do të bëhet publike.

Twitter Auto Publish Powered By : XYZScripts.com