Berisha: Rama-Bolino vodhën dekoderat që do u jepeshin të varfërve (DOKUMENT)

Berisha: Rama-Bolino vodhën dekoderat që do u jepeshin të varfërve. E denonci qytetari dixhital

TIRANË – Sipas informacioneve më të fundit nga deputeti Sali Berisha, dekoderat në adresë të familjeve në nevojë janë mashtrim.

“Në prag te vitit të ri Edi Rama i bëri dhuratë vetes duke ndarë paratë me Bolinon”. Kështu citon një denoncim të një qytetari, deputeti Sali Berisha duke shrkuajtur se “Një gjë është qind për qind e sigurtë, se dekoderat nuk mund ti marrin personat me ndihmë ekonomike ashtu siç mashtroi Rama sepse sipas ligjit asnjë person që ka televizor në shtëpi nuk lejohet të marrë ndihmë ekonomike”.

Ish-kryeministri përcjell në Facebook komentin e mëposhtëm anonim, të cilin ai e quan “qytetari dhixhital”:

“Përshëndetje Dr Berisha desha të denoncoj dhe njëherë publikisht vjedhjen që u bë me dekoderat gjoja që do ju dhurohen familjeve më të varfëra në ndihmë ekonomike.Familjet në nevoje që nuk kanë TV do marrin dekodera nga qeveria është mashtrim mbasi familjet në ndihmë ekonomike po u gjeten me tv në shtëpi ju ndërpritet ndihma.

Po pse nuk ju dha paratë qeveria dhe i linte t’i shpenzonin si të donin?

Në prag të vitit të ri Edi Rama i bëri dhuratë vetes duke ndarë paratë me Bolinon.

Bëjnë tender fiktiv për blerje dekoderash dhe i jepet kompanise qe e kap tenderin me 99.99% te vleres (169,666,596 nga 170 milione qe ishte vlera limit).

Kush është TBS96 ?

Pronari është Artan Xhori ortaku i Carlo Bolinos me të cilin ka kohë që punon si mik i Ramës :

Për performancën e tij si kompani duhet të pyetësh kontrollin e lartë të shtetit sepse ka gjetur se në RTSH ka shitur pajisje të vjetra për të reja dhe kineze për europjanë.Të njejtën gje e ka bërë dhe tani)

Milena Harito duhet të pyetet nëse rastësisht e ftoi këtë person në sekretariatin teknik sapo erdhi në pushtet me qëllim pengimin e digjitalizimit dhe bërjen e tij nga Carlo Bolino. Nuk dihet si e justifikon prezencën e tij aty por i pyetur nga të tjerët se ç’bënte në sekretariat ajo ndërhyri duke thënë se s’ka ç’ju duhet se e kam thirrur unë).

Pasi kjo nuk i eci si rezultat i presionit të ndërkombëtarëve atëherë bëri strategjinë tjetër atë të komandimit të tregut me anë të dekoderave.

Për të kuptuar këtë, mjafton të them që RTSH , që është ndertuesi i të vetmes platformë digjitale me leje në Shqipëri dhe që po e ndërton atë, s’është pyetur fare për kompatibilitetin e aparateve që ka blerë TBS96.

Kjo sepse qëllmi i vetëm i tyre është të funksionojë Digitalbi.

A është e mundur të blihen dekodera për RTSH dhe kjo as të mos pyetet e për më tepër asnjë mendim qoftë dhe vetëm me shkrim”, publikon Berisha në Facebook, mesazhin e qytetarit anonim. ¹⁾Statusi i Sali Berishës, në Facebook.