Kreu / Ekonomi / Përmbaruesit kundër bankave, mbrojnë ministrat për tarifat e reja

Përmbaruesit kundër bankave, mbrojnë ministrat për tarifat e reja

Pas komenteve të Shoqatës Bankave, që i cilësoi tarifat e reja të përmbarimit si abuzive, kanë reaguar përmbaruesit.

Përmes një deklarate zyrtare, Dhoma Kombëtare e Përmbaruesve ka sulmuar ashpër bankat duke i akuzuar se po kërkojnë të dezinformojnë opinionin publik për këtë çështje.

Përmbaruesit thonë se Shoqata e Bankave nuk ka asnjë të drejtë legjitime të japë mendim për ligjin e përmbarimit, pasi dispozitat në fuqi ja lejojnë këtë atribut vetëm dhomës së përmbaruesve.

Sipas tyre, pretendimet e bankave, se tarifat e shërbimit përmbarimor do të krijojnë një “barrë shtesë për qytetarët dhe taksapaguesit” janë të pabaza dhe të pamoralshme.

Sipas përmbaruesve, udhëzimi i dy ministrave teknikë, atij të Drejtësisë dhe ministres së Financave, i cili rrit tarifat e përmbarimit është plotësisht konform ligjit dhe duhej të ishte miratuar kohë më parë, por u vonua padrejtësisht.

Dhoma Kombëtare e Përmbaruesve thotë se nuk gjen asnjë argument ligjor në pretendimet e bankave, përveç kërcënimeve ndaj shtetit dhe institucioneve publike.

Udhëzimi i përbashkët i ministrit të drejtësisë dhe asaj të financave është miratuar më 26 qershor vetëm një ditë pas zgjedhjeve. Ai rrit me dy herë tarifat e përmbarimit privat, një fakt ky që është kundërshtuar fort nga Shoqata e Bankave si abuziv, dhe me motive të dyshimta.

Mos humbisni

TAP, sa 71 kulla “Eiffel”. Në 2018 lëshohet gazi nga Azerbajxhani

Ndërtimi i gazsjellësit TAP po shkon drejt fundit sipas parashikimeve. Nga Zvicra kompania njoftoi zyrtarisht …

Lini një Përgjigje

Adresa juaj email s’do të bëhet publike.