Kreu / Kosovë / NISMA dhe AKR i bashkojnë forcat kundër Lladrovcit në Drenas

NISMA dhe AKR i bashkojnë forcat kundër Lladrovcit në Drenas

Është zyrtarizuar koalicioni mes NISMA’s dhe AKR’së për raundin final të zgjedhjeve për kryetar të komunës së Drenasit

Përmes komunikatës të dërguar për media thuhet se në konferencën e mbajtur për media, ka folur kryetari i NISMA për Kosovën, Fatmir Limaj, kryetari i komunës së Mitrovicës nga radhët e AKR’së, Agim Bahtiri, kandidati i NISMA’s për kryetar të komunës së Drenasit, Isa Xhemajlaj, dhe kandidati i AKR’së për kryetar të Drenasit, Elmi Thaqi.

Kryetari i Nismës për Kosovën, Fatmir Limaj, tha se sot e konkretizuam nënshkrimin e marrëveshjes së koalicionit mes Nismës dhe AKR’së për raundin final të zgjedhjeve për kryetar të komunës së Drenasit.

“Ne së bashku do të vazhdojmë të respektojmë vullnetin e qytetarëve të Drenasit që janë shumica për ndryshim, pra po bashkohemi për ta quar ndryshimin deri në fund”, ka thënë kryetari i NISMA’s, Fatmir Limaj.

Kryetari i komunës së Mitrovicës, Agim Bahtiri, ka falënderuar gjithë qytetarët e Drenasit që kanë votuar mençur, që kanë zgjedhur ndryshimin, sepse Drenasit i ka ardhur koha për ndryshim.

Bahtiri tha se ne si AKR, si anëtarësia e AKR’së në Drenas, por edhe kryesia qendrore e mbështesim fuqishëm kandidatin e Nismës, Isa Xhemajlaj, dhe jemi shumë të bindur se do t’ia dalim për faktin se vullneti i qytetarëve të Drenasit për ndryshime është shumë i madh.

Kandidati për kryetar të komunës së Drenasit, Isa Xhemajlaj, ka falënderuar kryesinë qendrore të AKR’së, por në veçanti kandidatin e AKR’së për Drenasin, Elmi Thaqi, që na kanë ofruar këtë mbështetje, dhe kjo mbështetje do t’ju shërbej shumë qytetarëve të Drenasit, të cilët vërtetë e meritojnë një zhvillim ekonomik më të mirë në Drenas.

Ndërsa, kandidati i AKR’së për të parin e Drenasit, Elmi Thaqi, tha se qytetarët e Drenasit kanë vendosur mbi 55% për ndryshim, dhe kjo është arsyeja që ne si AKR kemi vendosur të mbështesim kandidatin e Nismës për Kosovën, Isa Xhemajlaj.

 

 

 

Mos humbisni

Kosova feston sot 10-vjetorin e Pavarësisë, 11 fakte rreth kësaj dite të shënuar

Kosova feston sot 10 vjetorin e Pavarësisë. Festimet janë shtrirë në të gjitha trojet shqiptare, …

Lini një Përgjigje

Adresa juaj email s’do të bëhet publike.