E shtunë , 3 Dhjetor 2016
Kreu / Aktualitet / Masakroi gruan greke me thikë, policia bie në gjurmët e shqiptarit
209002

Masakroi gruan greke me thikë, policia bie në gjurmët e shqiptarit

“Gjuetia” për të kapur 34-vjeçarin shqiptar Klodi Lesi, i cili vrau tre ditë më parë gruan greke, vazhdon.

Autoritetet e shtetit fqinj kanë përqendruar kërkimet në Greqinë e Veriut, ndërsa pasi goditi 7 herë më thikë gruan, 34-vjeçari shqiptar mori një nga fëmijët dhe u largua.

Ditën e djeshme policia greke ka gjetur një motoçikletë në fshatin Psakoudia, jo shumë larg Halkidiki-së dhe autoritetet besojnë se është i Klodi Lesit. Ai e kishte mbuluar me shkurre për të fshehur gjurmët, ndërsa në këtë vend janë gjetur edhe disa kuti bosh ushqimi si dhe ilaçe.

Pas kësaj policia ka nisur krehjen e zonës edhe me qen nuhatës. Edhe banorët kanë dalë në ndihmë të policisë, pasi fëmija që ka marrë me vete shqiptari është i sëmurë.

Ndërkohë ish-vjehrri i tij i ka bërë thirrje që të dorëzojë fëmijën.

Pavarësisht se i ka vrarë vajzën, ai ka thënë në një intervistë për gazetën greke “Protothema” se e ka falur, por vetëm të lërë të lirë nipin, pasi sipas tij i rrezikohet jeta nga sëmundja.

“Unë dridhen për nipin tim”, ka deklaruar Haralambos Mavromatis.

Klodi Lesi vrau gruan e tij greke pasi kjo e fundit e largoi nga biznesi familjar dhe prej një viti ata ishin të ndarë.
209412

Mos humbisni

vrasje-1

Saga kriminale “Çiço”. Ari Alinani, dëshmitari kyç i atentateve

Ari Alinani shikohet si personi kyç që mund të hedhë dritë mbi vrasjen e Nelgert …

Lini një Përgjigje

Adresa juaj email s’do të bëhet publike.