Kreu / Aktualitet / Kandidatët për Kryeprokuror, milionerë me prona dhe…

Kandidatët për Kryeprokuror, milionerë me prona dhe…

Nga verifikimet e kryera rezulton se disa nga 7 kandidatët posedojnë një pasuri befasuese në raport me të ardhurat e deklaruara, që mund të vinte në pikëpyetje dhe testin e Vettingut, në raport me pasuritë.

Arqile Koça rezulton që më 2001 ka marrë një kredi me vlerë 50 milionë lekë të vjetra, e rimbursuar nga shteti. Por, ai ka në pronësi 5 apartamente, ka shitur një apartament në Dajt me sipërfaqe 120 m/2, ndërsa ka hedhur themelet e një shtëpie në Voskopojë, ku vetëm themelet kushtojnë 10 mijë euro.

Ferdinand Elezi është i pasionuar pas makinave, ku ka ndërruar vitet e fundit 7 makina me vlera të larta. Sa i takon pasurive të paluajtshme, posedon 4 pasuri të tilla. Shtëpi, zyrë dhe apartament në Durrës, si dhe apartament banimi mnë Tiranë.

Besnik Muçi deklaron rreth 7 pasuri të paluajtshme, vitin e fundit (2016) ka blerë aparmanet me vlerë 75 mijë euro në Tiranë, që e justifikon me të ardhura nga bashkëshortja, hua dhe kredi. Ka shtëpi banimi, deklaron tokë truall, si dhe të ardhura nga një vresht në Pogradec.

Artur Selami me pasuri modeste, posedon depozitë bankare me vlerë 25 mijë dollarë. Më 1999 ka marrë kredi 10 mijë euro për blerje banese, nuk posedon pasuri të paluajtshme.

Arta Marku rezulton gjithmonë me të ardhurat e ligjshme, ka pasuri të ligjshme dhe normale. Dy apartamente në Shkodër, që i justifikon me pagat dhe kredi.

Ermira Tafani posedon llogari rrjedhëse 9 mijë dollarë, si dhe të ardhurat e tjera në emrin e bashkëshortit, që merret me biznes.

Granit Shahu ka pasuri modeste referuar deklaratave të pasurive. Ka makinë Range Rover dhe 17 milionë lekë të vjetra cash. Ka marrë kredi më 2015 25 mijë dollarë për blerje banese.

Mos humbisni

S’merr fund dhimbja, ndërron jetë mëngjesin e sotëm Noemi Preka

Ndërron jetë mëngjesin e sotëm vajza e familjes Preka që u përfshi në aksident fundjavën …

Lini një Përgjigje

Adresa juaj email s’do të bëhet publike.