Lajme.al Lajmet e fundit nga vendi dhe bota
Ja pse Dortmundi ndërpreu huazimin e Januzajt
Manchester United dhe Borussia Dortmund kanë arritur marrëveshje për ndërprerjen e huazimit të Adnan Januzajt në Gjermani, duke e kthyer kosovarin në Old Trafford.
Huazimi i Januzajt në Dortmund kishte bërë bujë të madhe në mediat gjermane gjatë verës, por 20 vjeçari asnjëherë nuk arriti të gjejë hapësira në formacionin e skuadrës nga Sigal Iduna Park. Dortmundi riktheu Januzaj në Old Trafford pasi nuk e shihnin atë të nevojshëm për skuadrën e tyre, shkruan BILD. Sipas Bild, trajneri Thomas Tuchel, nuk besonte në aftësitë e shqiptarit dhe nuk dëshironte më ta ketë vetëm numër në skuadër.
Sidoqoftë, Unitedi është duke vuajtur nga mungesat e lojtarëve sidomos në fazën ofensive, ndoshta Januzaj do ta ndihmojë skuadrën e Louis Van Gaal e të rikthehet të jap më të mirën e tij në Old Trafford.
