Ardian Olldashi ka folur në një intervistë të gjatë për gazetën ‘Dita’ në 2-vjetorin e ndarjes nga jeta të Sokolit. Duke mos dashur t’i përgjigjet pyetjes se ku ka qenë i ndjeri atë natë që udhëtonte nga Elbasani në Tiranë, ai ka treguar detaje te reja.
“Jemi rritur me vuajtje, kjo për shkak të internimit që ka kaluar familja jonë. Por ndarja nga jeta e Sokolit, është momenti më i vështirë në jetën time, deri më tani. E pranoj, nuk ka qenë e lehtë për ta përballuar, por jam dhe duhet të jem i fortë, për fëmijët e mi dhe të Kolit, pavarësisht se unë nuk e zëvendësoj dot figurën e babait, por do të jem aty, sa herë atë të kenë nevojë për ndihmë apo për një këshillë”. Kështu tregon për gazetën ‘Dita’ vëllai i Sokol Olldashit, Ardiani.
Rrëfimi i tij vjen në dy vjetorin e ndarjes nga jeta të ish-deputetit & ish-ministrit demokrat, ndërsa kur e pyet për 20 nëntorin e dy viteve më parë, Ardian thotë:
“Mos më pyesni se nuk e di se përse, ku shkoi, kë takoi dhe me kë foli atë ditë! Pavarësisht, se e kisha vazhdimisht në mend që duhet ta merrja në telefon atë mbrëmje, nuk e mora, dhe mos më pyesni pse, se nuk di të them… Mos më pyesni për koiçidencat e çuditshme që kishte ai aksident, se nuk e di… Por mendoj se ishte një aksident”.
“E di që vetë Sokoli nuk ishte aspak komod në atë kohë për shumë qarqe, për shumë fraksione politike dhe ndoshta shumë do ta brohorisnin daljen e Sokolit nga jeta politike dhe ndoshta janë lutur që të ndodhte ajo gjë”, – thotë Ardian Olldashi duke iu referuar faktit se i ndjeri kishte kohë që ishte distancuar nga dyshja Berisha-Basha duke tentuar te niste, ndoshta, një parti të re.
Megjithate, Ardian Olldashi thotë se ajo që ndodhi atë mbrëmje nuk ia merr mendja se ka qenë një gjë e kurdisur… “E kam të vështirë ta besoj” – thotë ai.
![“Thirrjet kundër shqiptarëve”, këngëtari grek flet shqip: Unë ju dua shumë, ja e vërteta [VIDEO]](http://www.lajme.al/wp-content/uploads/2018/05/notis-sfakianakis-120x86.jpg)
