Kreu / Aktualitet / Çdo vit mbyten njerëz! Banorët e Zvërnecit flasin për “Plazhin e Vdekjes”

Çdo vit mbyten njerëz! Banorët e Zvërnecit flasin për “Plazhin e Vdekjes”

4 persona kanë humbur jetën deri më tani në plazhin e Porto Novës në fshatin Zvërnec të Vlorës.

Viktimat e fundit ishte një vazjë e mitur 10 vjeçare e cila u mbyt këtë të mërkurë teksa lahej në det së bashku me kushërirën e saj, edhe ajo po ashtu e mitur.

Por kjo zonë e plazhit është e njohur për rrymat e saj detare, e për këtë problem vetë banorët shprehen se rreziku është tepër i lartë. Pavarësisht se plazhi në fjalë është i një bukurie të rrallë, rreziku se mund të mbytesh e bën këtë zonë një objekt të dëshiruar të cilin nuk të lejohet ta prekësh.

“Ai është një bregdet shumë i bukur, por njerëzit nuk janë asnjëherë të informuar për rrezikshmërinë që ka. Aty ka shumë rryma”, thotë Geron Moçka, banor në Zvërnec.

“Kam rastisur 3 vite kur këtu janë mbytur njerëz”, thotë një tjetër pushues për Top Channel.

“Aty ka rryma ujore. Uji godet në shkëmb dhe kthimi i menjëhershëm. Edhe ne si banorë na ka ndodhur. Këtu mund të jenë mbytur rreth 30-40 veta ndër vite. Duhet të vendoset patjetër një tabelë informuese”, shprehet Filip Balli, banor në Zvërnec, për TCH.

Banorët dhe pushuesit i kanë bërë thirrje institucioneve përkatëse që të vendosin tabela sinjalizuese në këtë zonë të rrezikshme, që ky plazh të mos marrë më jetë njerëzish, siç ndodh çdo vit.

Mos humbisni

Largohen shirat, por tani vjen …

Kthjellime e vranësira të shpeshta dominojnë motin thuajse në gjithë vendin, përjashtuar zonat Verilindore ku …

Lini një Përgjigje

Adresa juaj email s’do të bëhet publike.