E enjte , 17 Gusht 2017
Kreu / Aktualitet / Azilantët në Gjermani, shqiptarët të dytët për 2015
Azilantët në Gjermani, shqiptarët të dytët për 2015 Autoritetet gjermane publikuan të dhënat e plota në lidhje me azilkërkuesit për vitin 2015 dhe ashtu siç edhe pritej, numri i shtetasve shqiptarë është në shifra rekord.

Azilantët në Gjermani, shqiptarët të dytët për 2015

Azilantët në Gjermani, shqiptarët të dytët për 2015

Autoritetet gjermane publikuan të dhënat e plota në lidhje me azilkërkuesit për vitin 2015 dhe ashtu siç edhe pritej, numri i shtetasve shqiptarë është në shifra rekord.

Sipas të dhënave, rreth 55 mijë shtetas shqiptarë kanë aplikuar për azil, shifër kjo që e rendit vendin tonë të dytin pas Sirisë, duke lënë pas shtetin tjetër shqiptar, Kosovën.

Numri i emigrantëve nga Shqipëria në 2015 shënoi një rritje me mbi 5 herë krahasuar me kërkesat për azil në 2014, të cilat ishin pak më shumë se 8 mijë. Në të njejtin nivel kishin qenë dhe shifrat e azilkërkuesve nga Kosova. Nga të dhënat zyrtare të autoriteteve gjermane vihet re se në tre muajt e fundit të 2015, numri i emigrantëve nga Shqipëria shënoi një rënie të ndjeshme nga 4,680 në Tetor, në 3.044 persona në nëntor dhe 1.801 në muajin dhjetor.

Në 10 vendet e para sa i takon fluksit, 4 janë vende ballkanike, ku Shqipërisë dhe Kosovës u bashkohen Serbia dhe Maqedonia.

Për të minimizuar flukset nga Ballkani, autoritetet gjermane vendosën të njohin këto vende si “vende të sigurta origjine”, duke shkurtuar e procedurat dhe refuzimin e menjëhershëm të kërkesave për azil.

Dyndjet e para të azilantëve u regjistruan në muajt e parë të 2015-ës, pas përhapjes së lajmit të rreme për sigurimin e azilit ekonomik në Gjermani nga disa agjenci udhëtimi. Ky ishte edhe argumenti me të cilat u mbrojt qeveria shqiptare përballë kritikave për fluksin e azilantëve, tezë që e braktisi shpejt, duke i mëshua më vonë asaj se shumica e azilkërkuesve ishin shtetas shqiptarë që kishin jetuar në Greqi dhe që po braktisnin atë pas krizës së thellë ekonomike.

/ Top Channel

Mos humbisni

Pas flakëve dhe të nxehtit, Shqipëria do të përballet me një tjetër rrezik

Pas zjarreve Shqipëria mund të përballet me një tjetër forcë të natyrës, të kundërtën e …

Lini një Përgjigje

Adresa juaj email s’do të bëhet publike.