Kreu / Kulturë / Ansambli mbush 60 vite, artistët mblidhen në Teatrin Kombëtar

Ansambli mbush 60 vite, artistët mblidhen në Teatrin Kombëtar

Në vjeshtën e vitit 1957 u krijua Ansambli Kombëtar i Këngëve dhe Valleve Popullore, shfaqja e parë e të cilit u vu në skenën e Teatrit Kombëtar.

Pas 6 dekadash, artistët e mëdhenj të muzikës folklorike shqiptare, rikthehen në të njëjtën skenë, të festojnë 60 vjetorin e krijimit në dy mbrëmje rresht: 11 dhe 12 nëntor.

“Jam vërtetë shumë e lumtur që ne arritëm që ta celebronim në një mënyrë të veçantë, ndoshta në dukje të thjeshtë, por në fakt në brendësi të saj kishte një mision: misioni ynë kryesor është përhapja e vlerave që Ansambli ynë i këngëve dhe valleve ka krijuar ndër vite, përhapja tek brezi i ri”, tha Zana Çela, drejtore e TKOB.

“Do jetë një nga performancat më të mira dhe më me emocion, që më sjellin në kujtim vitet e mia dhe jam shumë e lumtur që marr pjesë midis shokëve e shoqeve të mia, kolegëve që këtu kam filluar karrierën time si këngëtare”, tha Merita Halili.

“Ky Ansambël ka një histori të veçantë, ka një histori të madhe, një kulturë, një folklor të shkëlqyer, që nuk e ka bota dhe për këtë duhet të jemi krenarë, që ta mbajmë e ta kultivojmë deri tek brezat e rinj”, tha valltari i mirënjohur Rexhep Çeliku.

“E kujtoj me shumë mall e nostalgji, kujtime të mrekullueshme nga turnetë në Zvicër, Amerikë, Kanada. Unë dëshiroj që këto vlera të trashëgimisë sonë kulturore t’i ruajmë si gjënë më të shtrenjtë e t’i përfaqësojmë shumë denjësisht”, u shpreh Sabahete Vishnja.

Mos humbisni

Pandi Raidhi, të pathënat e një aktori të lindur

Eshtë e vështirë të shkruash për njerëzit, që i ke njohur pak ose aspak edhe …

Lini një Përgjigje

Adresa juaj email s’do të bëhet publike.